Document sans nom

A tous soyt notoyre que, le jour sabmedy, cinquiesme du mois de novembre mil six cens vint deux, sur les quatre heures après midy ou environ, le très crestien prince Louys de Bourbon, treziesme de ce nom, Roy de France et de Navarre, compte de Prouvence, Forcalquier et terres adjacentes, nostre souverain seigneur, est entré en ceste ville de Sainct-Maxemin avec partie de sa Court, ensemble les sieurs duc d'Espernon, comte de Chombert et aultres grandz princes et segneurs à la suite de Sa Majesté, au rencontre de laquelle les sieurs juge er viguier, assavoyr Maître Claude Rabier, juge, et Jehan Arbaud, sieur de Porchères, viguier, Maître Jacques Charloys, substitut de M. le procureur général du Roy avec le sieur Pierre Charloys et moy Pierre Vulhermier, notaire royal, consuls modernes de ladicte ville de Sainct-Maxemin, sommes allés recepvir sa dicte Majesté, en compagnie des escuyers bourgeois et plusieurs aultres gens notables et chefs de maison apparans du dict Saint-Maxemin, à cheval, au cartier de Pardigon ou Mauvoizin, et au patil, ou assiete de plasse qui est au sortir de la pente de la calade du chemin d'Aix, où sa dicte Majesté, estant à pied après avoyr remonté à cheval, et les dicts sieurs juge, viguier, procureur du Roy, nous dicts consuls et aultres apparans et chefs de ville, ayant recogneu le Roy, aussy tost aurions mys pied à terre, et tous ensemble, prosternés à genouls au devant sa dicte Majesté, à laquelle après que ledict juge a heu faict son harenge de la très heureuse bien venue de sa dicte Majesté, et après luy ledict sieur viguier et icelles finyes, sa dicte Majesté nous ayant commandé de nous rellever, serions remontés à cheval et venus à ville, à la suitte de sa dicte Majesté et sa Court, au son des trompettes du Roy, en grande magnifficence et les cappitaines de la ville que le bureau estably par le conseilh d'icelle avoyt ordonné, assavoyr le cappitaine Joseph Rey, consul vieulx et cappitaine de l'année courante et le précédent de l'année antécédente, cappitaine Anthoyne Dille, ayant chascung sa compagnie de la jeunesse et aultres de ladicte ville, rangés en ordre avec leurs arquebuses, mousquets, picques et aultres armures et harnois de guerre, en jolli et brave équipaige, chascung à son rang, les tambours battans avec fiffres tout le long de la preerie, prenant dès le bout d'icelle et du pied de la colle du sieur de Saint Marc en bas venant vers la ville, soubs une troupe et grand nombre d'enfants, la plus part desquels estoient habillés d'une mandilhe petite de trellis boucassin blur et iceulx avec tous les aultres enfants puis six à sept ans jusques à ceulx de quatorze à quinze ans, ayant chascung son pavillon de papier blanc, blur et rouge au bout de cannes et baston légers rellevés en hault, ornés et parés de beaucoup de fleurs dellis et armoyriés de France, tous rangés en ordre, soubs la conduite d'Anthoyne Chamerat, sergent royal, estably par le bureau cappitaine de ceste petite infanterie, et Jehan Lyvon, son lieutenant, chascung d'eux tenant ung bout. Passant le Roy avec sa Court, grands, princes et segneurs et toutte sa suitte, s'estant tous mis à genoulx au devant sa dicte Majesté, cryant à haulte voix : Vive le Roy ! et en après rellevés à mesure que Sa Majesté auroyt esté salluée en passant par lesdicts cappitaines et soldats de ses compagnies, estant un peu escarté d'eux et adnant vers ville, auroyent tiré et faict de grandes salves d'arquebusades et tous ensemble avec une infinitté de peuple, tant de la ville que aultres forains et restrangiers que seroient venus et accoreus en icelle, au bruict de la venue du Roy, pour avoyr cest heur de le voyr, tenant puis la dicte prerie tout le long du chemin royal d'Aix, d'un cousté et d'autre jusques à l'église, tout le monde s'esfforcoit de cryer Vive le Roy ! avec actes de réjouissance et bénédictions de sa dicte Majesté, avec aultant de ferveur et de joie que ville de son royaulme; et, sellon la petitesse d'icelle, on s'est efforcé de fere au mieulx qu'on a peu et seu, n'ayant heu loisir et temps pour pouvoyr achever l'entrée qu'on avoyt préparée et faict dessiner à la porte d'Aix, et ung arc triomphant aux quatre coings de la ville avec une gallerie de boys, appuyée sur de pilliers et cllonnes à gipperie, entre les deux coings des maisons de Maître Honoré Gasquet, avocat, et Jehan Faulquette, Maître appothicaire, à rez des fenêtres d'icelle, ornés de paremens et fleurs dellis aux armoyries u Roy; mais la prompte arrivée de sa dicte Majesté a faict cesser les painttres de continuer. Sy bien que estant les dits sieurs juge, viguier, procureur du Roy et nous dits consuls proches de la ville et Sa Majesté recue par les pères relligieux de l'église d'icelle, portant la saincte Croix en corps de procession avec les prieurs de la devotte illuminayre de Notre Dame des Cierges, chascung vestus de ses robes et bonnets anciens, acoustumés de porter toute anciennetté jusques au nombre de trente neuf, vestus savoyr: les six de la présente année courante que sont Pierre Monier, orphèvre, Hector Sicard, Philip Porte, Laurens Barthélémy, Pierre Flayol de feu Jehan et Guillem Masse, modernes prieurs, chascung de leur superllis blancs, et les aultres des années antécédantes, chascung avec leur robe et bonnet, portant aussi chascung d'eux ung cierge de ladicte illuminaire du poix de soixante à soixante-six livres pièce, tous bien rangés; puis ung peu au dessouls la chapelle de la Sainte Marie Magdelene, sur la poincte des deux chemins d'Aix, entre les terres dudict sieur viguier et André Martel, maître appothicaire, jusques au patil de la porte d'Aix, sommes revenus premiers pour prandre le dais ou poille, compozé de six bastons, quy estoit préparé à l'huis de la première porte entrant au revellin de ladicte porte d'Aix, au dessoubs duquel Sa Majesté debvoyt aller, et illec, attendant sa dicte Majesté à son arrivée à l'huis de ladicte porte dudict revellin, nousd. Charloys et Vulhermier, consuls, ayant en mains les clefs de la ville au nombre de deux, faictes d'argent, du prix de six ducatons, lesdictes deux clefs avec le livre des privillèges d'icelle, avons d'habondant mis les genoulx à terre, et en ceste qualitté prosternés à la face de sa dicte Majesté, teste nue, avec toute humillitté, comme ses très humbles subjects, luy avons présenté lesdictes clefs quy les a receues et à l'instant données à ung exant de ses gardes escossoizes proche et tout contre de luy, et supplié de nous voulloyr confirmer nos dicts privilèges, ce que nous auroyt asseuré et promis fere soubs son bon plaisir. Ce faict, nous estant rellevés, sur le commandement à nous faict par sa dicte Majesté, avons prins le dais ou poille avec lesdicts sieurs juge, viguier, procureur du Roy et Gaspard Clapier de feu Pierre, thesaurier de la dicte ville, estans ledict sieur juge au cousté de main droite au premier baston, et ledict substitut dudict sieur procureur du Roy à aultre de main gauche à l'entrée que a faict le Roy, entrant dans la ville, soubs le dais, estant à cheval, et l'aultre bout dedans la ville à main droycte estoyt ledict sieur viguier et le dict Charloys, consul de main gauche, et moy dict Vulhermier, aultre consul, au mitan du dict cousté de main droycte et de aultre cousté de main gauche ledict thésaurier, à cause de la contention qu'estoyt entre lesdicts sieurs juge et viguier, et pour fere que rien ne feust attampté, ains procédé en paix, et en ceste action avons porté ledict dais au dessouls duquel sa dicte Majesté estoit à cheval et l'avons conduict jusques à l'entrée des degrés du semetière dudict Sainct-Maxemin, où sa Majesté est descendu de cheval et mis pied à terre; et de là, estant toujours sa dicte Majesté sous le days, avons aussi continué la portée d'icelluy days jusques au devant de la porte et entrée de l'église, soubs la presse du peuple quy nous poussoyt de part et d'aultre, aulx cris et sons des trompettes et clairons, cryeries d'ung chascung à haulte voix criants vive le Ry et pompeuse réjouissance, longue vie et heureuze prospérité de sa dicte Majesté, en laquelle supplions très humblement la très haulte et puissance divine Majesté le veuilhe conserver ! lequel dais ou poille a esté prins à lentrée de la dicte églize, par les pages du Roy, et de là, ayant visitté le chef de la saincte Marie Magdalene, la saincte Ampoule et aultres relicques et corps saincts quy reposent en lad. eglize et longé dans le couvent en la chambre prioralle, comme anciennement ont faict tous les deffuncts Roys d'heureuse memoyre quy sont venus en ceste ville (1).
"Le lendemain matin, entre six à sept heures, sad. Majesté s'est desparti avec sa cour et sa suitte du cousté de la Saincte Baulme et, de là, le mesme jour, est allé coucher à Aubagne, et le lendemain lundi, sept dudit mesme moys, à Marseille, où il a esté pompeusement et avec grande magnifficence, honorablement receu à Nostre-Dame de Mont, à la playne de Sainct-Michel, où il y avoyt environ six mil hommes, tous rangés par rang et ordre, soubs leurs cappitaines de chasque cartier, les tambours battans avec fiffres et armés de picques, allebardes, arquebuses, mousquets et tous aultres harnoys de guerre, et a faict son entrée par la porte realle, bref avec tant de solempnité et au son de plusieurs instruments musiquaux; les canons de la ville et du port ont tiré beaucoup, bref qu'on estime, oultre la somptuozitté des riches habillements qu'on a veu, qu'il s'est despansé plus de cent cinquante ou deux cens quintaux de poudre, pour ce que puis le matin cella a duré jusques la nuict cloze et encore aussi le lendemain. Ce que nousd. consuls, avons veu pour avoyr suivy Sa Majesté jusques aud. Marseilhe, pour pouvoyr obtenir les expéditions que demandons à sa d. Majesté, sur la requeste que luy avons présentée, espérant qu'elle nous rendra justice à l'ayde de Dieu. Ainsi soyt-il. Et en foy de ce, pour estre la vérité telle comme chose digne de mémoyre, me suys soubsigné.
"Ayant oblyé que, advant la réception du Roy sous le dais à la porte d'Aix, lesd. prieurs de Notre-Dame avec les pères relligieux en corps de procession, ont marché les premiers dans la ville, chantant le Te Deum Laudamus, et tout le peuple en grand nombre se resjouissant de grande allegresse, comme dessus est dict en grand triomphe et sons desd. trompettes, jusques à la dicte eglize et nousd. consuls ayant chascung le chaperon consullère, avec beaucoup d'aultres solempnités et cérémonies que je laisse pour briesvetté. Signé : Pierre Vulhermier, not.
"Il n'y avoyt heu aulcung Roy de France que feust venu aud. Sainct-Maxemin puys le deffunct Roy Charles neuf que fist son entrée en la d. ville, en l'année 1564, et le lundy 23 octobre, auquel les clefs de la ville feurent présentées par le cappitaine Jehan de Gaye avec Maître Pierre Arbaud, procureur du Roy et le sieur Jehan Maurice Faulquette, consul, mon ayeul maternel, et par iceulx feust porté le dais jusques à l'églize
"Appert au prothocolle de feu Maître Jacques Duron, vivant notaire aud. Saint-Maximin à folio 199, auquel je me raporte.- Signé : Pierre Vulhermier, not. et consul.
"Aultre annotation per une mémoyre perpetuelle. -Voyez l'enregistrement des lettres-patentes et provisions obtenues en faveur de la Communaulté, du Roy nostre sire au subject de son heureuse entrée en lad. ville, à la fin du présent prothocolle, folio 535."

(1) (en marge) : "La grand-rue, puis la porte d'Aix jusques au semitière, toute couverte le pavé d'icelle de boys de romanilh quy donoit une merveilleuze odeur et bonne senteur à sa Majesté et tous les passants que les chevaulx ont tout brizé et follé aux pieds et tout dessa et delà de chasque cousté de lad. grand rue : puis lad. porte d'Aix jusques à l'églize et couvent estoient en ordre bien rangés les gens des compagnies des guardes du Roy tant suisses que aultres, les ungs armés de fer jusques à la teste avec picques, les aultres mousquets, arquebuzes et harnois de guerre, les tambours, fiffres battans et sounans avec aultres instruments, oultre ung nombre infini du peuple tant de la ville que estrangiers de la province y accoreus, estans allant, venans long lad. rue et aux portes et fenestres des maisons, à grand applaudissement et resjouissance, au son des instruments."

Visite de Louis XIII le 5 novembre 1622
A
Délibération du conseil de la communauté pour préparer la venue du Roy (l'orthographe et la ponctuation de l'époque ont été respectés)
A
L'an1622 et le 2ème jour du moys de novembre, convoqués et assemblés les gens du bureau estably par le conseilh de la Communauté de la présente ville de Sainct Maxemin, dans la maison d'icelle, par devant N. Jehan Arbaud, sieur de Porchières, viguier et cappitaine pour le Roy aud. Sainct Maxemin, où sont esté présents les apprès nommés : Premièrement sieur Pierre Charloys, Pierre Vulhermier, notaire, consuls, M. Joseph Rey, consul vieux, Gaspard Clappier, trésorier moderne, Gaspard Audric, Capit. Honoré Maurel, M. André Martel, consulaires modernes; M. Pierre Baux, notaire, M. Jehan Maunier, César Saint-Marc, M. Jacques Concordan, consulaires vieux; Rolland Richier, escuyer, Gabriel Fresquière, escuyer, Ange Saint-Jacques, bourgeois, Gaspard Faulquete, notaire, Magdallon Dille, bourgeois, Marc-Anthoine Arbaud, sieur de Porchières, Balthasard Fresquière, bourgeois, M. Barthélémy Baux, cy-devant notaire. A laquelle assemblée, prévoyant à la venue du Roy, nostre souverain prince, que doibt fere en ceste ville de Sainct Maxemin; A été délibéré que sera faict ung dais, la pante de satin blanc et le ciel de taffatas blanc avec la frange d'or, et aulx quatre fasces, sy fere soy peuly, l'escusson de France avec troys fleurs de lys en broderie de mesme or sur satin cramoisin, et ad cest effaict est comys le sieur César Saint-Marc. Sera faict à l'antrée de la porte d'Aix, ung arc-boutant de gisperies et charpenteries avec ses colonnes et chapiteaux, avec la figure du Roy au-dessus et armoiries de France, où besoing sera, commettant pour la disposition de ce le sieur viguier et G. Fresquière pour y fere procéder ainsi qu'ils adviseront. Aulx quatre coings de la ville, sera ung pavillon avec quatre colonnes et tableaux ou armoiries, ainsin que les sieurs de Branges et Faulquete disposeront, que, ad cest effaict, sont comys et depputés. Sera faict présent à Sa Majesté d'ung quintal de pruneaux de Brignolles et aultres choses que sera advisé par les sieurs consuls. Sera faict une douzaine de flambeaux de cire jaulne du poix de quatre livres pièce, donnant la charge de ce au sieur André Martel, de l'advis des sieurs consullaires. Que sera faict deux clefs d'argent, d'honeste grosseur, du poix de deux ducatons pièce, et la charge en est donnée aulx sieurs consuls. Que tous propriétaires ou habittants des maisons, despuis la porte d'Aix jusques à l'église, tapisseront leurs maisons de blanc fleurdelysées tout d'un esgal, sur de cordes qui seront pour ce tendues, et, en cause que y aist de pauvres gens que n'ayent moien de tapissier honorablement, sera suppléé par les plus prochains voisins aisés, comettant pour le soing de ce les sieurs Balthasard Fresquière et Audric. Que sera envoyé ung homme à Marseille, quand le Roy y entrera, pour y remarquer et tenir mémoire de la réception de Sa Majesté, en quelle manière y sera procédé par les sieurs consuls de la ditte ville, comettant ad cest effaict le sieur de Branges et Maître Pierre Baux, notaire. L'assemblée a trouvé à propos que led. sieur advocat de Porchières représentera à Sa Majesté l'infraction de nos privillèges et aultres choses présentement récittées, que sera demandé à Sa Majesté, adsistant les sieurs consuls. Que les cappittaines establis se metront en armes et sortiront au devant du Roy avec tant de soldats que se porra et envoieront quérir armes, arquebuses, picques, tambours et aultres choses où besoin sera et pour les frais que leur convieudra fere, leur sera donné cinquaute livres à chascung que le trésorier moderne payera, et pour le moings ils auront quatre tambours et deux fiffres pour compagnie et ne pourront prethendre aultre chose que ce que dessus, et chascung desd. cappittaines aura deux cartiers de la ville. Que sera faict une compagnie d'enfans quy crieront: vive le Roy ! habillés chacung avec ung mandilhe de toile bleue et ung pavillon en la main, comme sera advisé, et d'iceulx sera cappittaine et conducteur Anthoine Chamert en son lieutenan Jehan Livon.
A
Récit du notaire Henry Guichard (l'orthographe et la ponctuation de l'époque ont été respectés)
A
L'an mil six cents vingt deux et le cinquiesme jour du moys de novembre, entre les quatre à cinq heures après midy, sachent tous que, s'estant la ville de Montpellier en Languedoc, rendeue à la miséricorde de très chrestien prince d'heureuse mémoire, louys treziesme de nom par la grâce de Dieu nostre bon Roy de France et de Navarre, comte de Provence, Sa Majesté, après avoyr mis une bonne garnison de gens de guerre dans ladicte ville, s'en est venue droict en la ville d'Arles, où, le jour et feste de tous les saincts premier jour du dict moys an susdict, a touché plusieurs malades des escrouelles, entre lesquels sont esté ung enfant de Guillen Mayol, une fille de Louis Maurel et une autre de Jamet Chaveau, dict Jamilien; de là sa dicte Majesté s'en est venue à la ville d'Aix le jeudy, troisième dudict mois, où elle a relaxé et mys hors de prison plusieurs prisonniers, et de la ville d'Aix sa dicte Majesté s'en est venue en la presente ville de Saint Maximin le susdict jour, cinquiesme du dict moys de novembre, où est arrivée à l'heure susdicte de quatre à cinq après midy, jour de samedy. M. Claude Rabier, juge, Jehan Arbaud, sieur de Porchères, viguier, Jacques Charloys, procureur du Roy, Pierre Charloys et Me Pierre Vulhermier, notaire, consuls, Gaspard Clappier de Pierre, trésorier, et plusieurs autres aparents du dict Saint-Maximin sont allés au devant de sa dicte Majesté, la recepvoir jusques sur la plus haulte vigne du chemin d'Aix; et estant le Roy arrivé en la prairie de ladicte ville, y a esté receu avec grand aplaudissement tant d'ung bon nombre d'arquebusiers et piquiers dudict Saint-Maximin qui estoyent environ deux cents, tous bien équipés et conduits par le cappitaine de la ville Joseph Rey, et cappitaine Anthoyne Dille, son antécédant, greffier de la dicte ville, chascung desquels conduisoyt ung escadron desdicts soudards, que d'ung nombre assez grand de petits enfants conduits par Anthoyne Chamerat, sergent royal et Jehan Livon, son lieutenant, touts presque revestus d'une mandilhe blure, parsemée de fleurs de lys avec ung pavillon en mains, criant : Vive le Roi ! qui le suivirent toujours. Arrivée que feust sa dicte Majesté à la chapelle de sainte Magdaleine hors la ville, elle y feust receue par la procession de nos religieux avec la sainte Croix, acompaignés de preud'hommes et prieurs de la dévote illuminaire Nostre-Dame des Cierges, chascung avec sa robe, bonet et cierge, jusques au nombre de trente-neuf, chantant avec grande joye le Te Deum Laudamus pour la félicité et bonheur que sa veneue nous aportoit. Come estant le Roy accompaigné en la fascon susdicte jusques à la porte de la ville, dicte la porte d'Aix, lesdicts sieurs juge, viguier, procureur du Roy, consuls et trésorier le receurent genoux à terre, sous le dé ou paly, que nous disons, et que lesdicts sieurs consuls avoient faict travailher de satin blanc avec la frange d'or; auquel lieu ledict Charloys, consul, présenta à sa dicte Majesté les clefs de la ville qu'estoyent d'argent, qu'elle prins et donna à l'ung de sa suitte tout près d'elle, et le dict Me Vulhermier, aultre consul, présenta au Roy nos privilèges, le suppliant les nous vouloyr confirmer et conserver, ce qu'il promit en levant la main. De ladicte porte feust accompaigné en la forme susdicte, tousjours à cheval soubs le dé, jusques aux degré du cimetière où se mit à pied, et, à la porte de l'église, ses pages prindrent ledict pocle ou dé. Entrée que feust Sa Majesté dans l'église, elle y fist sa prière, et tout incontinent s'en descendit à la chapelle sainte Magdaleine qu'il vist et visita avec grande dévotion, avec la saincte Ampoule, mettant les genoux en terre, vist encore tous les autres corps saincts, cela faict, se retyra dans le couvent, dans la chambre qu'est tout au-dessus la porte et accompaignée des gens de sa suitte où entre aultres estoyent Mons. d'Espernon, colonnel de toute l'infanterie française, Mons. de Montmorency, admiral, Mons.le comte de Chombert et plusieurs aultres grands seigneurs avec son conseilh, lesquels furent tous logés à la ville. Il fust représenté au Roy, pendant son soupper et requis par Gabriel Fresquière de la part de nostre Communaulté, nous vouloir conserver nos privilèges et nous maintenir nos libertés et franchises, des lattes, péage, pulvérage et aultres envers lesquels de tout temps les feux Roys de France nous avaient tousjours maintenus, à quoy il feust respondu par Sa Majesté de donner la requête à Mons. de Valgrand, archevesque d'Aix, qu'il y pourvoiroit, comme aussi à l'examption des feux ; cela faict, Sa Majesté feust gardée toute la nuict, scavoir, dans le couvent, par la garde ordinaire des Escoussois, et par dehors, au cimetère, par deux régiments de Suysses. Le lendemain matin, jour de dimanche, sur les sept heures, partist et sortyt par la mesme porte d'Aix et s'en alla disner à la Sainte Baulme et coucher à Aulbaigne et de là, le lundy, à Marseille, suivy par ledict consul Charloys et ledict Fresquière, pour obtenir l'entérinement de la susdicte requeste, ce que nous aurons moyennant l'asistance de nostre Dieu. En laquelle ville de Marseille, Sa Majesté y feut receue avec grande magnificence et somptuosité non pareille, où elle receut pour présent six chevaulx barboux, équippés au possible (comme je l'ay aprins de ceulx qui l'ont veu) ; deux jours après, elle s'en retourna en la ville d'Aix, où, pendant son séjour (qui ne feust que d'ung jour), fist baptiser avec Madame la marquise d'Oraison, l'enfant de Mons. d'Oppède, premier président au parlement, auquel donna son nom. De là rebroussa chemin de vers la ville d'Arles, en allant tenir les Estats à Beaucaire, où Dieu par sa toute bonté le veuille conduire et conserver en longue et heureuse vie. Amen. Faict audict Saint-Maximin, les an et jour susdicts, par moy Henry Guichard, notaire royal soubsigné;
A
Récit du notaire Pierre Vulhermier (l'orthographe et la ponctuation de l'époque ont été respectés)
A
A tous soyt notoyre que, le jour sabmedy, cinquiesme du mois de novembre mil six cens vint deux, sur les quatre heures après midy ou environ, le très crestien prince Louys de Bourbon, treziesme de ce nom, Roy de France et de Navarre, compte de Prouvence, Forcalquier et terres adjacentes, nostre souverain seigneur, est entré en ceste ville de Sainct-Maxemin avec partie de sa Court, ensemble les sieurs duc d'Espernon, comte de Chombert et aultres grandz princes et segneurs à la suite de Sa Majesté, au rencontre de laquelle les sieurs juge er viguier, assavoyr Maître Claude Rabier, juge, et Jehan Arbaud, sieur de Porchères, viguier, Maître Jacques Charloys, substitut de M. le procureur général du Roy avec le sieur Pierre Charloys et moy Pierre Vulhermier, notaire royal, consuls modernes de ladicte ville de Sainct-Maxemin, sommes allés recepvir sa dicte Majesté, en compagnie des escuyers bourgeois et plusieurs aultres gens notables et chefs de maison apparans du dict Saint-Maxemin, à cheval, au cartier de Pardigon ou Mauvoizin, et au patil, ou assiete de plasse qui est au sortir de la pente de la calade du chemin d'Aix, où sa dicte Majesté, estant à pied après avoyr remonté à cheval, et les dicts sieurs juge, viguier, procureur du Roy, nous dicts consuls et aultres apparans et chefs de ville, ayant recogneu le Roy, aussy tost aurions mys pied à terre, et tous ensemble, prosternés à genouls au devant sa dicte Majesté, à laquelle après que ledict juge a heu faict son harenge de la très heureuse bien venue de sa dicte Majesté, et après luy ledict sieur viguier et icelles finyes, sa dicte Majesté nous ayant commandé de nous rellever, serions remontés à cheval et venus à ville, à la suitte de sa dicte Majesté et sa Court, au son des trompettes du Roy, en grande magnifficence et les cappitaines de la ville que le bureau estably par le conseilh d'icelle avoyt ordonné, assavoyr le cappitaine Joseph Rey, consul vieulx et cappitaine de l'année courante et le précédent de l'année antécédente, cappitaine Anthoyne Dille, ayant chascung sa compagnie de la jeunesse et aultres de ladicte ville, rangés en ordre avec leurs arquebuses, mousquets, picques et aultres armures et harnois de guerre, en jolli et brave équipaige, chascung à son rang, les tambours battans avec fiffres tout le long de la preerie, prenant dès le bout d'icelle et du pied de la colle du sieur de Saint Marc en bas venant vers la ville, soubs une troupe et grand nombre d'enfants, la plus part desquels estoient habillés d'une mandilhe petite de trellis boucassin blur et iceulx avec tous les aultres enfants puis six à sept ans jusques à ceulx de quatorze à quinze ans, ayant chascung son pavillon de papier blanc, blur et rouge au bout de cannes et baston légers rellevés en hault, ornés et parés de beaucoup de fleurs dellis et armoyriés de France, tous rangés en ordre, soubs la conduite d'Anthoyne Chamerat, sergent royal, estably par le bureau cappitaine de ceste petite infanterie, et Jehan Lyvon, son lieutenant, chascung d'eux tenant ung bout. Passant le Roy avec sa Court, grands, princes et segneurs et toutte sa suitte, s'estant tous mis à genoulx au devant sa dicte Majesté, cryant à haulte voix : Vive le Roy ! et en après rellevés à mesure que Sa Majesté auroyt esté salluée en passant par lesdicts cappitaines et soldats de ses compagnies, estant un peu escarté d'eux et adnant vers ville, auroyent tiré et faict de grandes salves d'arquebusades et tous ensemble avec une infinitté de peuple, tant de la ville que aultres forains et restrangiers que seroient venus et accoreus en icelle, au bruict de la venue du Roy, pour avoyr cest heur de le voyr, tenant puis la dicte prerie tout le long du chemin royal d'Aix, d'un cousté et d'autre jusques à l'église, tout le monde s'esfforcoit de cryer Vive le Roy ! avec actes de réjouissance et bénédictions de sa dicte Majesté, avec aultant de ferveur et de joie que ville de son royaulme; et, sellon la petitesse d'icelle, on s'est efforcé de fere au mieulx qu'on a peu et seu, n'ayant heu loisir et temps pour pouvoyr achever l'entrée qu'on avoyt préparée et faict dessiner à la porte d'Aix, et ung arc triomphant aux quatre coings de la ville avec une gallerie de boys, appuyée sur de pilliers et cllonnes à gipperie, entre les deux coings des maisons de Maître Honoré Gasquet, avocat, et Jehan Faulquette, Maître appothicaire, à rez des fenêtres d'icelle, ornés de paremens et fleurs dellis aux armoyries u Roy; mais la prompte arrivée de sa dicte Majesté a faict cesser les painttres de continuer. Sy bien que estant les dits sieurs juge, viguier, procureur du Roy et nous dits consuls proches de la ville et Sa Majesté recue par les pères relligieux de l'église d'icelle, portant la saincte Croix en corps de procession avec les prieurs de la devotte illuminayre de Notre Dame des Cierges, chascung vestus de ses robes et bonnets anciens, acoustumés de porter toute anciennetté jusques au nombre de trente neuf, vestus savoyr: les six de la présente année courante que sont Pierre Monier, orphèvre, Hector Sicard, Philip Porte, Laurens Barthélémy, Pierre Flayol de feu Jehan et Guillem Masse, modernes prieurs, chascung de leur superllis blancs, et les aultres des années antécédantes, chascung avec leur robe et bonnet, portant aussi chascung d'eux ung cierge de ladicte illuminaire du poix de soixante à soixante-six livres pièce, tous bien rangés; puis ung peu au dessouls la chapelle de la Sainte Marie Magdelene, sur la poincte des deux chemins d'Aix, entre les terres dudict sieur viguier et André Martel, maître appothicaire, jusques au patil de la porte d'Aix, sommes revenus premiers pour prandre le dais ou poille, compozé de six bastons, quy estoit préparé à l'huis de la première porte entrant au revellin de ladicte porte d'Aix, au dessoubs duquel Sa Majesté debvoyt aller, et illec, attendant sa dicte Majesté à son arrivée à l'huis de ladicte porte dudict revellin, nousd. Charloys et Vulhermier, consuls, ayant en mains les clefs de la ville au nombre de deux, faictes d'argent, du prix de six ducatons, lesdictes deux clefs avec le livre des privillèges d'icelle, avons d'habondant mis les genoulx à terre, et en ceste qualitté prosternés à la face de sa dicte Majesté, teste nue, avec toute humillitté, comme ses très humbles subjects, luy avons présenté lesdictes clefs quy les a receues et à l'instant données à ung exant de ses gardes escossoizes proche et tout contre de luy, et supplié de nous voulloyr confirmer nos dicts privilèges, ce que nous auroyt asseuré et promis fere soubs son bon plaisir. Ce faict, nous estant rellevés, sur le commandement à nous faict par sa dicte Majesté, avons prins le dais ou poille avec lesdicts sieurs juge, viguier, procureur du Roy et Gaspard Clapier de feu Pierre, thesaurier de la dicte ville, estans ledict sieur juge au cousté de main droite au premier baston, et ledict substitut dudict sieur procureur du Roy à aultre de main gauche à l'entrée que a faict le Roy, entrant dans la ville, soubs le dais, estant à cheval, et l'aultre bout dedans la ville à main droycte estoyt ledict sieur viguier et le dict Charloys, consul de main gauche, et moy dict Vulhermier, aultre consul, au mitan du dict cousté de main droycte et de aultre cousté de main gauche ledict thésaurier, à cause de la contention qu'estoyt entre lesdicts sieurs juge et viguier, et pour fere que rien ne feust attampté, ains procédé en paix, et en ceste action avons porté ledict dais au dessouls duquel sa dicte Majesté estoit à cheval et l'avons conduict jusques à l'entrée des degrés du semetière dudict Sainct-Maxemin, où sa Majesté est descendu de cheval et mis pied à terre; et de là, estant toujours sa dicte Majesté sous le days, avons aussi continué la portée d'icelluy days jusques au devant de la porte et entrée de l'église, soubs la presse du peuple quy nous poussoyt de part et d'aultre, aulx cris et sons des trompettes et clairons, cryeries d'ung chascung à haulte voix criants vive le Ry et pompeuse réjouissance, longue vie et heureuze prospérité de sa dicte Majesté, en laquelle supplions très humblement la très haulte et puissance divine Majesté le veuilhe conserver ! lequel dais ou poille a esté prins à lentrée de la dicte églize, par les pages du Roy, et de là, ayant visitté le chef de la saincte Marie Magdalene, la saincte Ampoule et aultres relicques et corps saincts quy reposent en lad. eglize et longé dans le couvent en la chambre prioralle, comme anciennement ont faict tous les deffuncts Roys d'heureuse memoyre quy sont venus en ceste ville (1). "Le lendemain matin, entre six à sept heures, sad. Majesté s'est desparti avec sa cour et sa suitte du cousté de la Saincte Baulme et, de là, le mesme jour, est allé coucher à Aubagne, et le lendemain lundi, sept dudit mesme moys, à Marseille, où il a esté pompeusement et avec grande magnifficence, honorablement receu à Nostre-Dame de Mont, à la playne de Sainct-Michel, où il y avoyt environ six mil hommes, tous rangés par rang et ordre, soubs leurs cappitaines de chasque cartier, les tambours battans avec fiffres et armés de picques, allebardes, arquebuses, mousquets et tous aultres harnoys de guerre, et a faict son entrée par la porte realle, bref avec tant de solempnité et au son de plusieurs instruments musiquaux; les canons de la ville et du port ont tiré beaucoup, bref qu'on estime, oultre la somptuozitté des riches habillements qu'on a veu, qu'il s'est despansé plus de cent cinquante ou deux cens quintaux de poudre, pour ce que puis le matin cella a duré jusques la nuict cloze et encore aussi le lendemain. Ce que nousd. consuls, avons veu pour avoyr suivy Sa Majesté jusques aud. Marseilhe, pour pouvoyr obtenir les expéditions que demandons à sa d. Majesté, sur la requeste que luy avons présentée, espérant qu'elle nous rendra justice à l'ayde de Dieu. Ainsi soyt-il. Et en foy de ce, pour estre la vérité telle comme chose digne de mémoyre, me suys soubsigné. "Ayant oblyé que, advant la réception du Roy sous le dais à la porte d'Aix, lesd. prieurs de Notre-Dame avec les pères relligieux en corps de procession, ont marché les premiers dans la ville, chantant le Te Deum Laudamus, et tout le peuple en grand nombre se resjouissant de grande allegresse, comme dessus est dict en grand triomphe et sons desd. trompettes, jusques à la dicte eglize et nousd. consuls ayant chascung le chaperon consullère, avec beaucoup d'aultres solempnités et cérémonies que je laisse pour briesvetté. Signé : Pierre Vulhermier, not. "Il n'y avoyt heu aulcung Roy de France que feust venu aud. Sainct-Maxemin puys le deffunct Roy Charles neuf que fist son entrée en la d. ville, en l'année 1564, et le lundy 23 octobre, auquel les clefs de la ville feurent présentées par le cappitaine Jehan de Gaye avec Maître Pierre Arbaud, procureur du Roy et le sieur Jehan Maurice Faulquette, consul, mon ayeul maternel, et par iceulx feust porté le dais jusques à l'églize "Appert au prothocolle de feu Maître Jacques Duron, vivant notaire aud. Saint-Maximin à folio 199, auquel je me raporte.- Signé : Pierre Vulhermier, not. et consul. "Aultre annotation per une mémoyre perpetuelle. -Voyez l'enregistrement des lettres-patentes et provisions obtenues en faveur de la Communaulté, du Roy nostre sire au subject de son heureuse entrée en lad. ville, à la fin du présent prothocolle, folio 535." (1) (en marge) : "La grand-rue, puis la porte d'Aix jusques au semitière, toute couverte le pavé d'icelle de boys de romanilh quy donoit une merveilleuze odeur et bonne senteur à sa Majesté et tous les passants que les chevaulx ont tout brizé et follé aux pieds et tout dessa et delà de chasque cousté de lad. grand rue : puis lad. porte d'Aix jusques à l'églize et couvent estoient en ordre bien rangés les gens des compagnies des guardes du Roy tant suisses que aultres, les ungs armés de fer jusques à la teste avec picques, les aultres mousquets, arquebuzes et harnois de guerre, les tambours, fiffres battans et sounans avec aultres instruments, oultre ung nombre infini du peuple tant de la ville que estrangiers de la province y accoreus, estans allant, venans long lad. rue et aux portes et fenestres des maisons, à grand applaudissement et resjouissance, au son des instruments."